SEMAMOS...talentu y RECOYEMOS...premios.

¡¡¡¡¡HAI  CONCURSOS!!!!! - glayó la mayestra con munchu enfotu.
Les manes de los escolinos espúrrense pa que los apunte pa participar.
 
Cuentos, poesíes, obres de teatru, dibuxos y monólogos... ¡Vamos a too...!
 
Munches gracies a toos por SEMAR tantu talentu y norabona a los que-yos toca recoyer los PREMIOS.
  • Concursu de poesía "Antonio Machado" 
  •            CHRISTIAN MOLDOVAN   1º PREMIU. (3º Prim)
  •  
  • XXIV Certame Artísticu/Lliterariu, XL Selmana de Lletres Asturianes 
  •            BRUNO GORDALIZA   3º PREMIU. (Inf)
  •            HUGO KOZUB 3º PREMIU. (1º Prim)
  •  
  • VI Certame de teatru en Llingua Asturiana, XL Selmana de Lletres Asturianes.
  •           CP EL BOSQUÍN "Una xornada de llocura nel colexu" 1º PREMIU.
  •           UNAI GARCÍA. Meyor Actor.
  •           RUFINO SÁNCHEZ. Meyor Dirección.
  •           ENOL PAREJA. Monólogu. 1º PREMIU.
 
                     
 
 

ESCUELES VISUALES

Los escolinos de 4º trabayamos un de los cuentos d´"Aprendices Visuales"
Equí vos dexamos "El dragón chef", asina ayudamos a que la nuestra escuela seya más visual ya inclusiva.
Pinchai na semeya.
 
 
 
 

EL PIQUÍN D´EL BOSQUÍN

              ¡SUBIMOS AL PICU!
Tocó dir d´escursión a la TPA, tuvimos nel plató d´El Picu. La visita fue perguapa. 
Los escolinos de 6º pasaron ganes de subir El Picu. D´ehí surdió la idega de facer el nuesu propiu programa.
"Los Llimiagos" y "Los Cascoxos" enfrentáronse en delles pruebes. Namái un grupo llogró esguilar "El Piquín d´El Bosquín" y algamar: les casadielles, la comida nel comerdor y les estraes pal conciertu de les flautes de Noelia.
Pasémoslo perbién y deprendimos coses a esgaya d´Asturies.
 
 
 

ABECEDARIU PRESTOSU

Cola A: amagüestu, cola B: berrar, cola C: collaciu...
Asina pasu ente pasu los escolinos de 3º y 4º ficieron esti "Abecedariu Prestosu"
Echái una güeyaina nel enllaz.
 
 
 

AMAGÜESTU MITOLÓXICU

    Trasgu, serena, busgosu y un enorme CUÉLEBRE acompangaron esti añu l´amagüestu a los escolinos d´El Bosquín.
    Los neños de 5º y 6º dieron la bienvenía col canciu "Danza del Cuélebre" pa dar pasu a los xuegos tradicionales. Nel patiu esfrutamos colos zancos, les chapes, el cascayu, la carrera llecheres, el vasu fartón,  la rana, el paracayíes, la carrera panoyes, los bolos y col tiru cuerda que nun pue faltar pa demostrar que cursu ye´l más fuerte. 
    La llectura del pregón dionos pasu a la xinta de castañes asaes y sidra dulce, colo que recuperamos fuercies pa siguir la folixa.
    Equí  vos dexo un vidiu pa que podáis volver a ver la visita tan especial que tuvimos y lo bien que lo pasemos.
    ¿Quién queréis que nos visite l´añu qu´entra?
              
 
                   
 

DÍA DE LES LLETRES ASTURIANES. Llingua na cai.

Asina de bayurosa tenemos la nuestra esposición, camisetes, caxes, botelles, chapes, almanaques, marcapáxines...onde queda reflexada la nuesa llingua. GRACIES por participar. Podéis seguir apurriéndonos coses.

El canciu d´esti añu pal día de Les Lletres 2.018: LA SACAVERA de Felpeyu. Equí vos queda pa esfrutalu...

                         
Un añu más damos la NORABONA a tolos premiaos nos concursos organizaos pola Conseyería d´Educación na Selmana de Les Lletres 2.018.
Concursu  artistísticu lliterariu:

  • IYÁN LAVIANA 3º premiu (3 años)                                  

  • XENIA FERNÁNDEZ 2º premiu (1º primaria)                                                                                                                          

  • HELENA FERNÁNDEZ 3º premiu (5º primaria)

  • JAVIER SÁNCHEZ 2º premiu (6º primaria)

Concursu teatru:
  • C.P. El Bosquín 2º premiu, por "UN CENTRU SALÚ" (5º primaria)

#YO APÚNTOME

Con esti vidiu tan prestosu convidamos a tolos neños y neñes a apuntase a clases de Llingua Asturiana.
Munches gracies a los participantes, sois unos artistes. Pincha nel cartelu pa velu.

RADIO BOSQUÍN "El Tiempu"

Toles selmanes los escolinos de 6º A y 6º B emitimos el TIEMPU N´ASTURIES, en Radio Bosquín. Podéis echai un güeyaina que vos va prestar.

Atopáislo nel logo qu´hai arriba a la drecha de la páxina .

VILLANCICOS Y BON NADAL

Van acercándose les fiestes navidiegues y tenemos que preparar el repertoriu de villancicos.
 
N´asturiano tamién tenemos un bon garrapiellu d´ellos. Déxevos equí dalgunos pa que disfrutéis con ellos. Pincha nes semeyes pa oyer los cancios. 
 
 
¡¡¡BONES VACACIONES ESCOLINOS!!!
 
 

 "FÁLAME" TPA.

¡¡¡¡SALIMOS NA TELE!!!!
Tolo bono faise esperar, asina que yá lu tenemos equí´l programa "FÁLAME" que grabó la TPA nel nuestru colexu.
Una bona esperiencia pa guardar nel requexu de les coses prestoses.
Equí vos lu dexo pa poder velu una y mil vegaes más.
 
 

AMAGÜESTU ´17

"La mi mozuca" de MELENDI, ye´l cantar escoyíu esti añu pal amagüestu.

Un canciu que nos tresmite mucho sentimientu, respetu y amor pela nuesta tierrina.

Vamos facelu´l 10 de payares.¡¡ ¡Agora toca ensayar y disfrutala!!!

¿Queréis ver el vidiu del día del amagüestu? Calcar na semeya de les monteres picones.

                                                       

 Los escolinos de sestu canciaron asina de bien el cantar ¡BRAVO NEÑOS!

Vémoslos equí:     youtu.be/ui-tD_M1BVM      

CUENTINOS PA ENTRETENESE

Pa lleer les tardes d´iviernu.

EL RATON FREDERICK. RICINOS D´ORU.       DE RECUERDU DINOSARIU. LOS 3 GOCHINOS.

        

 

AMAGÜESTU

Ya tenemos cantar pal amagüestu que sedrá´l 11 de payares.

Nesta vegada vamos atrevemos con "SEÑARDÁ" de Los Berrones.

Déxovos equi l´enllaz pa que lu escuchéis y practiquéis en casina.

                       

            ¡¡¡¡ PRESTA ASGAYA !!!!!

LA SERENA

Equí vos dexo´l vidiu del cantar de La Serena que ficimos el Día de Les Lletres.

Pincha nel enllaz...  youtu.be/tCZxWu6zBDc

¡¡¡¡¡Ficístislo perbién!!!!!

   

DÍA DE LES LLETRES ASTURIANES

El vienres 6 de mayu, a les 12, nel IES Valle de Ayer (Morea), coincidiendo col día de Les Lletres fadráse entrega de los premios del Concursu Artísticu/Lliterariu que propunxo la Conseyería d´Educación.

Norabona pa tolos premios y n´especial a dos escolines del Bosquín, y munches gracies a tolos que participásteis.

- LLUNA FERREIRO CAMBLOR con "L´amor" de 1ºA

- HELENA FERNÁNDEZ ROCES con "Fiestes en pueblu" de 3ºA.

Na biblioteca del cole tenemos un llibrín con tolos cuentos de los que participásteis, podeís pasar a lleelos nos recreos, son mui prestosos.                           

 

¿AYÚDOTE YO?

Nel blog "Rede de Normalización Llingüística Nos Conceyos" ya tán colgaos los videos que ficieron los colexos d´esta campaña. Equí vos dexo los enllaces pa que-yos echéis una güeyaína. El nuestru colexu tien dos: el programa de radio "El Tren" de RPA y les representaciones del Día de les Lletres Asturianes. ¡Van prestavos muncho!

                                         

 

https://youtu.be/S0YeTHXECPw    C.P. El Bosquín (Día de les LLetres Asturianes) de L´Entregu.

https://youtu.be/T7Coio-cEiY        C.P. Poeta Antón de Candás.

https://youtu.be/T7Coio-cEiY        C.P. El Cotayu de Sieru.

https://youtu.be/3TmuV0DWdsA   C.P. de Carbayín Baxu de Sieru.

https://youtu.be/Hdjhx_5yDBA     IES Río Nora de Sieru.

https://youtu.be/2mJ-cM9OSXI     C.P. Xentiquina de Lieres.

 

 

LA ESCUELA DE LOS AÑOS 60

 

El martes 24 de payares, la TPA visitó el nuestru colexu pa disfrutar con nosotros del amagüestu y de la "ESCUELA DE LOS AÑOS 60" que tenemos na entrá nel colexu, los pas podéis entrar pa vela. Equí vos dexo´l enllaz pa poder ver el reportaxe onde salimos. Minutu 36.

¡¡¡¡Cómo presta salir na tele!!!

    

ESCOLINOS, La Nueva España.

Estos son los escolinos/es que participaron nel suplementu ESCOLINOS de LA NUEVA ESPAÑA. Esti suplementu ta escritu n´asturianu y publica noticies al rodiu de la llingua asturiana, tamién los trabayos que faen los neños nos colexos. Asoléyase tolos miércoles.

Munches gracies por collaborar, asina podemos enseñar lo que trabayamos.

 

 

 

 

 

 

 

 


 

Calendario de eventos

ARRIBA´L PERISCOPIU.

14.05.2014 11:00
Escolinos-es, el vienres día 23 de mayu seguiremos cola progranmación de LES LLETRES ASTURIANES.Diremos al teatru de L´Entregu a ver una obra de teatru: "Arriba´l periscopiu" de la compañía Higiénico Papel.De xuru que nos va prestar...¿Queréis saber de que va?. Pincha nel dibuxín.

—————

"LOS AMORINOS DE BASTIÁN Y BASTIANA".

06.05.2014 16:05
El miércoles 14 de mayu los escolinos de Primaria diremos al Teatru de L´Entregu a ver una actuación musical,   LOS AMORINOS DE BASTIÁN Y BASTIANA,   dientro del programa de la Axenda Didáctica 2014. Una obrina diferente que de xuro vos va prestar.

—————

XXXV SELMANA DE LES LLETRES ASTURIANES

29.04.2014 17:21
Dende´l 2 al 11 de mayu de 2.014,  cellébrase la 35 SELMANA DE LES LLETRES ASTURIANES. Equí vos dexo el programa d´actos.       

—————

Vamos a la ... Llaboral!!

25.03.2014 15:24
Durante los meses d´abril, mayu y xunu; la Universidá Llaboral de Xixón ofrez talleres n´asturiano. Toos ellos son de baldre. ¡Van prestate asgaya! Pues apuntate equí.

—————

EL CHIGRÍN DEL BOSQUÍN

/album/el-chigrin-del-bosquin/img-20160419-122135-jpg1/

—————

/album/el-chigrin-del-bosquin/img-20160419-122225-jpg1/

—————

/album/el-chigrin-del-bosquin/img-20160419-122231-jpg1/

—————

/album/el-chigrin-del-bosquin/img-20160419-122248-jpg1/

—————

—————